怎樣應付廣告電話

Case 1:

 「喂﹖」
 「你好先生，我叫 xxx，是 Sxxday 打來，先生你是否 9xxx-xxxx 的機主﹖」
 「係，想點﹖」
 「無，我想同你介紹一個最新的優惠計劃，月費加 $30 就可以發一百個短 訊......（下刪字若干），你有沒有興趣 join﹖」
 「哦， 對不起，無興趣。」
 「點解呀﹖才三毫子一個，比你現在的便宜很多呢。」
 「對不起，真的不需要。」
 「真的是個好優惠，能給你省錢呢，點解唔要呀﹖」
 「 點解﹖因為我有錢。」
 「......」三秒後電話掛斷。

 （到現在依然為一句「我有錢」而感到興奮）


 Case 2:

 「喂﹖」
 「你好先生，我叫 xxx，是 Sxxrtone 打來，先生你是否 9xxx-xxxx 的機主﹖」
 「唔係。」
 「......」呆左 3 秒「咁請問你係咪長期使用 9xxx-xxxx 呢﹖」
 「唔係。」（講大話）
 「......」又呆 3 秒「咁好丫，唔該晒。」


 Case 3:

 Buffet Club 打來，賣咩 10 幾間酒店食餐 membership
 「你好先生，我地有 Buffet Club 個 promotion，以后你去酒店食飯，係 member，全部 半價......」
 「我唔出街食飯的。」
 「唔係喎?如果你同朋友去食飯，用一次依個 service，已經抵返晒啦。」
 「我無朋友的。」
 「......」dead air 左一陣「哦，咁好呀，唔該你。」


 Case 4:

 「喂﹖」
 「先生你好，我叫 xxx，係 abc（某推銷公司）打來，先生請問你係咪 9xxx-xxxx既機主﹖」
 「係。」
 「我想同你介紹一個最新的優惠計劃，唔駛錢就可以享用某某優惠三個月......（下刪數百字），你有冇興趣參加﹖」
 「哦﹖ 對唔住，冇。」
 「唔係喎，唔駛錢喎，點解唔要﹖」
 「對唔住，我真係冇需要。」
 「真係唔駛錢喎，不如你試下先丫。」
 「唔駛錢我就要用，你當我乞衣呀﹖」
 「......」電話即時掛斷。


 Case 5:

 「你好，我叫 xxx，係 XYZ（某推銷公司）打來，先生請問你係咪 9xxx-xxxx 既機主﹖」
 「Sorry，我而家向大陸。」
 「哦，唔好意思，咁我遲 d 再打過黎丫，先生你通常幾時向香港﹖」
 「Sorry，我呢世都向大陸。」
 「......」電話掛斷。


 Case 6:

 「喂﹖」
 「你好先生，我叫 xxx，是 Sxxday 打來，先生你是否 9xxx-xxxx 的機主﹖」
 「係，點﹖」
 「無，我想同你介紹一個最新的優惠計劃，月費加 $30 就可以發一百個短訊...（下刪字若干），你有沒有興趣 join﹖」
 「哦，對不起，我而加唔得閒，不如你俾你手提電話號碼我，我遲 d 打翻俾你啦。」
 「喔，對不起，我地唔可以咁做。」
 「你都唔鍾意d人亂打電話俾你吧﹖」
 「喔，係，喔。」dead air．．．

 「咁你明我意思啦。」（收線） 

你知唔知我怎樣應付廣告電話 in HK?  好簡單, 我會用英文叫佢用英語同我講!!

Ed